1-لعمل المفتول ::: في فلسطين بنعملو طريقة معينة بالطحين والعجايز هون بيعملوه بمهارة
المهم تحضريه وتضعيه في صينية
وتحضري مية وملح اوكي وبتصيري ترشي المية المملحة عالمفتول وتفركي بايديكي
وترشي ايضا زيت وتعملي نفس العملية
والمقدار غير محدد من الماء والزيت ولكن بالتقدير لما تحسيه شوووووووي رطب
والان نحضر المفتولية وهي لعمل المفتول بتجدوها عند محلات الادوات المنزلية
وهي عبارة عن متل طبخ الارز عالبخار
يعني ممكن تحطة مصفاة تحتها حلة فيها ماء بيغلي لكن لازم المصفاة تكون مسكرة الحلة عالاخير لحتى مايتسرب البخار
وبتحطي المفتول بالمصفاية الي تحته ماء بيغلي وبتقلبي من فترة لا(ياحبيبي يا فهمان يا قليل الأدب لاتكتب هيك كلمات هذا موقع محترم) حتى يستوي وبالعادة ياخد ساعة ...
والان نحضر بصلة كبيرة ونقطعها مربعات صغيرة ونضع عليها عين جرادة ناشفة يعني شبت لكن ناشف بذور يعني بتلاقوه بمحلات البهارات وبتدقيهم منيح منيح
وبتحطي المفتول في صينية وعليه الدقة تخلط معاه ويشرب بشوربة دجاج او لحمة ...
عمل اليخنة التي تسكب على المفتول:::في حلة بها قليل من الزيت تقطعي بصل جوانح وتقلبيه ثم بندورة جوانح ثم تصبي عليهم شوربة اللحم او الدجاج ...
ثم تضيفي خضار حسب الرغبة
ممكن بطاطا مكعبات متوسطة او
قرع مكعبات متوسطة او كوسة
ممكن الكل حسب الرغبة
وتترك لغاية ما يتسبكو وتنضج الخضار وتضعو في اخر خمس او عشر دقايق حمص مسلوق
والبهارات والملح والذي منه
وتصبيها فوق المفتول في النصف يعني عالوش
وتكوني عاملة دجاج او لحمة حسب الرغبة
محمد الأسود. \\\the max man \\\